वाटतं सुखानेही तुझ्या कडे धाव घेतांना ...

वाटतं सुखानेही तुझ्या कडे धाव घेतांना
अचानक होणारा स्पर्श जाणावा,
चुकून डोळयातून थेंब गळाला
तर माझ्या मनातला घाव भरून यावा..

वाटतं तुझ्या आयुष्याच्या वाटेवर
सर्वत्र पसरलेली मखमल असावी,
चुकून एखादा काटा कधी रुतला
तरी वेदना फुलाहून कोमल असावी..

वाटतं देवानेही तुझ्यासाठी
नवस न बोलता पावावं,
तू हाक मारन्या आधीच
स्व:खुशिने तुझ्या कडे धावावं..

तसं खुप वाटतं तुझ्याविषयी
पण हा कागद आहे म्हणुन बरं आहे,
आणि ऐकायचं झालं तर तुला
अखंड आयुष्य अपुरं आहे..

मागतो आहे बस सुख तुझ्या करता
ते तुला माझ्या शिवाय पण मिळावं,
जर माझ्या मुळे होतो असेल त्रास तुला
तर प्राण माझा याच क्षणी जावा...