बरे आहे ना

बरे आहे ना पक्षांची
स्मृती खूप कमी असते
त्यांची पिल्ले नाही येत
घरट्यात परतून...
पुन्हा पुन्हा बांधावे घरटे
पुन्हा नवे जीव
घेऊन भराऱ्या जाणार
परत परत उडून ...
माणसाचे मात्र तसं नसते ना
एकाच एक आयुष्य नसतं
अनेक मने त्यांची गुंतागुंत
जीव गुंतण्याचा जीवघेणा खेळ...
पक्षांना नाही आठवत
त्यांचे उजाडलेले घरटे
पण माणसांची मने मात्र
रहातात त्यांच्यात घरात कुचांबून....
सगळी गुंतवणूक तनामनाची
सांभाळताना कसरत करायची
एक धागा ओढावा तर उमटते नक्षी
एक ओढावा तर धस लागून फाटते काहीतरी.....